港大六四晚會

總結時梁天琦有一段發言，學苑即時新聞冇包括埋，但我覺得好重要。大約就係話，佢知道網上太多意氣之爭，特別在於Facebook有Algorithm，紀錄哂你like過D乜同interaction，所以newsfeed彈出黎既，都係同自己立場相近既post。佢仲講笑咁講，如果佢二月果陣，真係信到十足Facebook newsfeed既內容，佢就會以為自己可以當選(結果全場大笑lol)。

佢唔係第一個企出黎講Facebook有圍爐呢樣野，我久唔久都有係Facebook講過Algorithm點樣令到人思想偏激化。我欣賞佢，係在於佢自己身在派系陣營中(而且仲係十分出名)，都可以有呢一個自覺，而唔係自欺欺人當algorithm唔存在，甚至係exploit呢個機制去吸納更多支持者/廣告費。

我唔知佢往後係咪真係貫徹到佢所講既說話，但我始終覺得，佢比起其他本土派既人，係冇乜尖酸小器既特質，講野有分吋有理據，而且亦都係一個會不斷尋求進步既人。我唔係好中意將政治希望押注係一個人身上，因為中過唔少次伏，希望今次唔會中伏/好遲好遲先中伏啦。